Elkarrekin urte asko daramaten bikotea dira Maialen eta Julio. Argiako artikulua ahots goran irakurtzen hasi da Julio: maite zaitut esatea kosta egiten zaigu. Elkarri begira gelditu dira.
Fruta sekzioan elkartu dira. Bideo kamerek grabatu duten elkarrizketa lehorra azaldu du, lehenik, gai-jartzaileak. Orain, bakoitzak benetan sentitu/pentsatu dutena entzungo dugu...
Bertso saio espekulatiboan jarritako gaia: Orain osasun publikoak beregain hartzen ditu ebakuntza estetikoak: zoriontsu izateko. Gaur duzu laugarren ebakuntza estetikoa.
Iragarkia jaso zuen Sustraik: "Nahi duzu betiko bizi?". Programan parte hartzeko izenemate formularioa bete zuen. Gaur jaso du sakelakoan mezua: hautatua izan da. "Betiko bizi nahi baduzu, baieztatu". Bost minutu, atzera kontuan hasi dira.
Maitemindu egin dira Miren eta Unai. Mirenek 3 seme-alaba ditu, bi berak bakarrik hezitakoak eta bat bikote ohi batekin; Unaik bi seme-alaba ditu, bakoitza bikote ohi batekin. Gaur atera dute ordubete kafea hartzeko elkarrekin.
Harreman laburra izan zuten; Idoatek bikotea zuen eta Pagola txori askea zen. Gaur Idoate irakasleak gurasoekin bilera du eta, nor agertuko eta, Pagola gurasoa.
Magisteritza eginda, lehen aldiz sartu dira txikienen gelan hiru irakasleok. Idoate pozarren dago, bokazioa aurkitu baitu. Ibarzabal beldurtuta, arriskua besterik ez du ikusten. Pagola normal, beretzat lan soil bat da.
Mendiluze hil da eta bere anima berpizteko gorputz berri baten bila dabil. Bertsolari bakoitzak bere karkasaren prestazioak azalduko dizkio eta Mendiluzek erantzun, hautatua denentz.
Bi lagunak haserratu egin ziren. Adiskidetzeko pausoa emanda, elkar besarkatu dute. "Iparragirre" doinuan, puntu motzetako parentesian, barruan oraindik gordetzen duten amorrazioa irtengo zaie.
Zirkuko pertsonaia bakoitzari kopla bat kantatuko diogu. Horretarako, lehen puntua eta oina emango zaigu. Gaian sartzeko, lehenik, bertsoaldiekin goza genezake!
Zatoz karpa barrura! Mendi Urruzuno argazkilariak eramango gaitu unez une, iruditan, eta Uxue Alberdik argazki bakoitzari kopla jarriko dio, gitarra lagun. Gero bertso-eskolan ariketa bera egiteko materiala, hemen.
Andonik bere baserrian hotela jarri du. Auzoko bileran eskean hasi zaie Maialen eta gainerako baserritarrei: oilarra ixiltzeko, ximaurrik ez botatzeko...
Donostian, "1935-1967 Txapelketa Nagusien antologia kantatua" emanaldian abestutako sorta. Lehenik, Xalbadorri publikoak jotako txistualdia ekarri zuten oholtzara. Ondoren, Ibarzabalek entzuleari jarritako sorta abestu zuen.
Donostian, "1935-1967 Txapelketa Nagusien antologia kantatua" emanaldian abestutako sorta. Lehenik, Uztapidek amari botatako bertsoak oholtzaratu zituzten. Ondoren, Iguaranek ama den bertsolari baten lekutik jarritako sorta abestu zuen.
"1935-1967 Txapelketa Nagusien antologia kantatua" emanaldian abestutako sorta. Lehenik, 60. hamarkadan Lazkao Txikik botatakoak ekarri zituzten: Ameriketan gizonek platerak garbitzeko sortu zen "moda berriaz". Segidan, Gaztelumendik oraingo gizonei jarritako sorta hau abestu zuen.
Señora Egunean abestutako sorta. 1646an Zaldibiako alkateak herrian "pekatuan" bizi ziren emakumeak kartzelan sartzea erabaki zuen; herriko 3 gizoni eskatu zien izenak emateko eta 10 ama ezkongabe sartu zituzten kartzelan.
Etxahun hasi da, denboraz, bere hileta prestatzen. Bertsoa abesteko ohorea nori eman erabakitzeko, galdera-erantzunetan jardungo du hiru bertsolarirekin, kopla txikian.
Sustrairen iratzargailua da Maialen. Goizero jotzean, Sustraik kolpe bat eman eta 10 minutu atzeratzen du; ostera jotzean kolpea eman eta 10 minutu atzeratu; berriz kolpea eta atzeratu...
Josu Martinezek, "Bizkarsoro" filmeko zuzendariak, jarritako gaia: eskolan euskara zigortzeko ematen ziren objektuak. Eraztuna bezala, Iparraldean antia.
Irazu semeak oraindik ez dio "aita" deitzen Unairi; beretzat Unai 3 hilean behin etxera datorren gizon hori da. Gai jartzaileak Ondarroako aita arrantzaleei omenaldi txiki bat egin nahi izan zien bertsoaldi honekin.
2023ko Lazkao Txiki sariketa irabazi zuen sorta, Hitzetik Hortzera saiorako grabatua. Musikariak: Eneko Sierra Lataillade eta Beñat Antxustegi Goikoetxeta.
Eguna libre du Ametsek, aspaldiko partez. Egin beharren zerrenda du aurrean, eta bi ahots entzuten ditu: Andoni zerrendako gauzei ekiteko dioena eta Maialen beste aldera begiratzeko dioena.
Joanes mendi lasterketan doa eta hidratazio postuan Amets ari da lanean. Elkarri begira, "hau mutil puska!" pentsatu du Joanesek; Ametsek, aldiz, "hau baldar puska!". Helmugan elkartu zarete orain.
AHTko tunela Leze txikin barrena egin dute. Euskal Herrian giza aztarnarik zaharrenak topatu diren lekua da eta zuek zarete aurkikuntza horren berri eman duten espeleologo taldeko bi kide.
