Lehiaketa egingo dugu, bikoteka. Bion artean puntutan ariko gara, kopla doinuan. Gai bat emango zaigu, eta gai horri buruz ahalik eta hitz gehien esatea da erronka. Ez dugu errimatu beharrik!
Bikoteka egingo dute lehiaketa. Gai-jartzaileak emango die heldulekua, eta horren inguruko ahalik eta hitz gehien esan beharko dituzte Habanera doinuan, puntuka.
"Solozabalen gaia" (edo "Txankete") doinuan, puntu erdika ariko gara, baina errimatu gabe. Txandan ariko gara, batek puntu erdia abestu eta albokoak beste erdia bota. Gai bat emango zaigu, eta gai horri lotutako hitzekin bete behar dugu puntua.
Irakasleak lehen puntua abestuko digu eta guk bigarren puntua osatu beharko dugu. Horretarako, ematen zaizkigun hitzak ordenatu beharko ditugu, errimatzen duen hitza (edo oina) amaieran jarriz. Jolas hau formatu handian ere egin genezake: orrialde bakoitzean hitz bat jarrita. Ikasle bakoitzari orrialde bat (hitz bat) emango zaigu eta, zutik jarrita, puntua entzutean erabaki egin beharko dugu nor noren alboan jarri (gure puntua egoki osatzeko).
Maddalen Arzallusen kopla sorta, nahas-mahasean emango zaigu. Orri zati bakoitzean, puntu bat emango zaigu. Guk bi puntu lotuz, koplak osatu beharko ditugu. Puntuak xuxen lotzeko, adi errimari eta esaldien zentzuari!
Bikoteka edo hirunaka jarrita, gure esketxak sortuko ditugu, gero taldearen aurrean antzezteko. Gure antzerkitxoa sortzeko egoera bat emango zaigu: ea zer elkarrizketa errimatu asmatzen dugun, umore punttuaz!
Goxoki dendariak izango gara. Dendara haur bat sartu da eta galderak egin eta galderak egin hasi zaigu. Guk zirtoz erantzungo diogu. Gure esaldi errimatua sortzeko, 3 oin emango zaizkigu aukeran.
Zirtoaren lehen esaldia emango zaigu, galdera bat botaz. Guk erantzun errimatua eman behar diogu, zirtoa osatuz. Gure erantzuna sortzeko, esaldia desordenatuta dago (errimatzen duen hitza tartean dela); esaldia berrantolatuko dugu, oina amaieran jarriz eta zirtoa osatuz.
Esaera zaharrak osatu beharko ditugu. Esaeraren lehen esaldia emango zaigu, eta guk bigarren esaldia zein duen identifikatu beharko dugu aukeren artean. Arreta jar dezagun erriman eta esaldiaren zentzuan. Behin esaerak osatuta, bakoitzaren esanahia zein den azaltzeari eta ulertzeari tartea emango diogu.
Karta jokoaz ariko gara. Karta bakoitzean hitz bat dator, irudiaz. Aldiro karta bat hartuko dugu: egokitu zaigun hitza baliatuz, esaldia asmatuko dugu ahoz, bat-batean. Baina baldintza bat dago: hitz hori esaldiaren amaieran jarri behar dugu (oin gisa).
A-tik Z-ra, hitz ezkutua zein den igarri beharko dugu. Kopla doinuan puntua jarriko zaigu, hitzari buruzko pista emanez. Puntua erantzun beharko dugu, hitz ezkutua asmatuz; erantzun zuzenak errimatu egiten du! Karta jokoan A-tik Z-ra 7 multzo daude (kolorez bereizita).
Karta jokoaz egiteko froga jolasa. Zuk kopla batean esaten duzun froga, taldekide batek egin beharko du. Kopla txikian, puntu erdiak sortu beharko dituzu.
Pieza bakoitzaren alde banatan, hitz bat dator; errimatzen duen pieza jarri behar diogu segidan. Jolasa baliatu genezake errimatzen duten hitzak identifikatzeko. Baita zirtoa edo kopla lantzeko ere: pieza jartzerakoan, bi oin horiekin zirtoa sortuz edo kopla botaz.
Karta jokoa. Karta bakoitzean hitz bat dator, irudiaz. Karta jokoan errimatzen duten kartak topatuz, jolas ezberdinak egin genitzake. Oin horiekin sortu genitzake gero zirtoak, koplak zein bertsoak, edo puntutan egin genezake. Ikus hemen jolasteko modu ezberdinak.
Pasaian (Gipuzkoan) herriko festetan, Santiago egunez, zezenak alde egin zuen plazatik
eta kalean zebiltzan herritarrek susto galanta hartu zuten; asko zauritu ere bai.
Ihesi zihoala, azkenerako zezena arroketara sartu zen eta itsasora salto egin zuen.
Herriko zalapartaren berri zabaldu zuen, bertsopaper umoretsu honekin, Xenpelar bertsolariak.
Hitzak moldatuta, kantuan eman zuen Mikel Laboak “Bat Hiru” diskoan (1974 Herri Gogoa).
"Pello Errota" bertsolariaren alaba zen eta, pitxarra eskuan, sagardo bila sartzen zenean sagardotegian, errespuesta ederrak ematen zituen bertsotan...
Zarauzko ikastolan, 1972-73 ikasturtean, egindako kantua da: Joxean Ormazabal idazlearen bertsoekin eta Imanol Urbietak musikatuta. Kantu ezaguna geroztik, eskola guztietan.
Etorkizun igarleak gara, kristalezko bolaren aurrean. Sartu da bezeroa eta galderak egingo dizkigu bere patuaz; guk zirtoz erantzungo diogu. Horretarako oinak emango zaizkigu aukeran.
