| Izena | Pello Errota (1840-1919) |
|---|---|
| Goitizena | Pello Errota |
| Izen osoa | Elizegi Maiz, Pedro Jose |
| Beste izenak | Elizegi Maiz, Pedro Jose; Elizegi, Pedro Jose ; Elicegui, Pedro Jose ; Errota, Pello, (1840-1919); ELIZEGI-PEDRO = PELLO-ERROTA |
| Jaiotza | Asteasu < Tolosaldea < Gipuzkoa < Euskal Herria < Europa (1840) |
| Heriotza | (1919) |
"Pedro Jose Elizegi, Asteasuko Goikoerrotan jaio zen. Errotaria bizibidez.Errekaldetarren antzera, bertsolari familia dira Goikoerrotakoak ere. Pelloren anaia Joan Kruz, gero Oiartzuna ezkondu zena, arreba Sabina, Mikel Anton semea... Bautista eta Antton Kortajarena. Zizurkilgo Joakina Antonia Bengoetxearekin ezkondu eta 8 seme-alaba izan zituzten. Gizon txikia, izugarri bizkor eta bizia; azkar pentsatu eta azkar kantatu, bertso lanean plazan asko luzitzen zuena. Umore eta irria beti ezpainetan, ziria eta eztena bazuen, teste inork adina. Orduko bertsolari guztiekin kantatu zuen, herriz herri, festaz festa, txapelketa, desafioak... dei asko izaten zuen eta sekula ez zuen atzera egin ez kantu lanean eta ez bertso paperak ateratzen. Bizibidez zen bertsolari, horrela etxera behar zuen diru laguntza eramanez. Azpeitiko Euskal Festetako sariaren eta beste askoren irabazle. Hain popularra egin zen, non 1895. urtean amerikano batzuek joanetorri osoa ordainduta Arjentinara eraman zuten hango euskaldunei bertso kantatzera. 78 urterekin hil zen, bere Errotan. Euskaldunon oroimenetik ez da borratuko Pello argiaren irudi sinpatikoa." (DORRONSORO, J. Bertsotan 1789-1936an oinarritua)
| Mota | Izenburua | Bertsolaria(k) | Deskribapena |
|---|---|---|---|
|
Zirto zaharrak - Pello Errota | Ikas dezagun zer diren zirtoak. Horretarako, zer hoberik zirto zaharrekin gozatzea baino! Hara hemen Pello Errotaren zirtoak, bideoan. | |
|
Zirto zaharrak esketxetan | Pello Errota, Sabina Elizegi, Mikela Elizegi eta San Migel Txikiaren zirtoak, antzeztuta. | |
|
|
Zirto zaharrak komikitan | Pello Errotaren eta Sabina Elizegiren zirtoak komiki bihurtuta, Unai Iturriagaren eskutik. | |
|
Ari naizela, ari naizela... | Pello Errota eta Txirritaren arteko ika-mika ezaguna. *Audioa: "Mundu bat bertso" ikasmaterialerako sortua. | |
|
|
Pelloren astoak | Pello Errota astoarekin zihoala, adarjoka norbaitek botatako bertsoa eta Pelloren erantzuna. Audioa: "Mundu bat bertso" ikasmaterialerako sortua. | |
|
|
Katua eta astoa | Unai Agirrek Larraitzen (2018-12-21) kantatutako bertso zaharrak. Etxeko katuari Joxe Garmendia bertsolariak jarritako sorta, eta Pello Errotak bere astoari buruz botea. Bideoaren egilea: Anbune. | |
|
|
Errotariek irin lapur fama | Karidadeko Bentan, Txirrita eta Udarregi hasi dira Pello errotaria zirikatzen: lapurreta egiten omen du, behar baino irin gehiago hartuaz beretzat eta, martxa horretan, infernura joango dela... Pellok erantzuna bueltan. *Bideoan Eñaut Agirrek abestuta. | |
|
|
Azpeitiko premiyua - Udarregi eta Pello Errota muturtuta | 1893an Azpeitian sari bat jarri zuten, oso ezaguna egin zena gerora. Pello Errotak irabazi zuen. Dirudienez, saria bertsolari artean banatzeko hitz eginda zeuden aurrez, baina Udarregik ez zuen xoxik jaso. Haserraldi galanta sortu zen, bertso jarriak ere bai asko, elkarri handiak esanaz. *Bideoan Eñaut Agirrek kontatu eta kantatuta. | |
|
|
Astoa errekan pasa ezinik | Pello Errota eta bere seme Miel Antonen arteko zirika-errematea. Erreka tartean dutela, alde batean Pello eta bestaldean semea astoarekin, urak zeharkatu ezinda. *Bideoan Eñaut Agirrek kontatu eta kantatuta. |