Lanak filtratu:
Denak (965) Bakarkakoa (177) Ofizioa (498) Taldean (25) Puntu erantzuna (158) Azken aurreko puntua (12) Azken puntua (43) Puntuka (21) Atzekoei kantari (16) Hitza emanda (14)
Anai-arrebak zarete. Gurasoak zaintzeko, txandak egiten dituzue. Nerea, joan den asteburuan Jonek ezin zuela-eta, zu joan zinen gurasoak zaintzera haren ordez. Asteburu honetan ere, utzi ezineko zerbait suertatu zaio Joni.
Bertsolariak:
Nerea Elustondo,
Jon Martin
Saioa: 2017-09-30 Segura Txapelketa
Zuk, Aimar, arropa denda bat duzu. Beñat zure dendara etorri den bakoitzean, arropa andana probatu eta deus erosi gabe atera da. Oraintxe dator berriro.
Bertsolariak:
Aimar Karrika,
Beñat Ugartetxea
Saioa: 2017-09-23 Baigorri Txapelketa
Zu, Mikel, irrati euskaldun bateko zuzendaria zara, eta Alaia, bertako esataria da. Mikel, Alaiak gazteendako musika saio bat gidatzen du. Entzuleek euskal musikarik eskatzen ez dutela eta, kezkatuta etorri zaizu gaur Alaia.
Bertsolariak:
Mikel Artola,
Alaia Martin
Saioa: 2017-09-23 Baigorri Txapelketa
Maialen, baratzean lanean ari zarela, Sebastian biloba etorri zaizu beste bi lagunekin eta landare batzuentzat zure baratzean lekua uzteko galdegin dizu.
Gai jartzailea: Amaia Agirre
Bertsolariak:
Sebastian Lizaso,
Maialen Lujanbio
Saioa: 2017-09-15 Lezo Jaialdia
Julio, Alaiaren seme nerabea zara. Gaur parrandara atera da eta hitzordutakoan, goizeko lauretan, Alaia, ama, joan zara autoan bere bila. Bueltakoan alkoholemian geratu eta positibo eman duzu Alaia.
Gai jartzailea: Fernando Anbustegi
Bertsolariak:
Julio Soto,
Alaia Martin
Saioa: 2017-07-25 Elizondo Jaialdia
Zuk, Aitor, egunero ikusten duzu zure semea oso berandu arte etxeko lanak egiten, ikasten, beti zerbait egiten. Eta gaur, nazkatuta, Alaia irakaslearengana joan zara
Bertsolariak:
Aitor Mendiluze,
Alaia Martin
Saioa: 2017-02-11 Lezo Jaialdia
Lehen aldiz musua ematera doazen bi nerabeen pentsamenduak zarete. Banku batean zaudete, elkarren ondoan eserita.
Gai jartzailea: Ainhoa Comas
Bertsolariak:
Aitor Sarriegi,
Aitor Mendiluze
Saioa: 2017-01-06 Amurrio Jaialdia
Egun edozertarako baimena behar izaten da eta askotan azterketa gainditu behar baimen hori lortzeko. Guraso izateko ere baimena atera behar omen da orain. Azterketa pasa behar omen da. Aztertzailea zara, zu, Igor, eta guraso izan nahi eta azterketara azaldu dena Julio.
Gai jartzailea: Ion Zaldua
Bertsolariak:
Julio Soto,
Igor Elortza
Saioa: 2016-10-21 Durango Jaialdia
Maria Cristinako garbitzailea zara Sebastian. Suite nagusia garbitzen duzu egunero. Eta bertan dagoen izar distiratsua Maialen. Maialen irten denean, bere gela egitera joan da Sebastian. Baina ustekabean Maialen bueltatu egin da eta garbitzailea bainera barruan musika entzuten topatu du.
Gai jartzailea: Amaia Agirre
Bertsolariak:
Sebastian Lizaso,
Maialen Lujanbio
Saioa: 2016-09-08 Alkiza Jaialdia
Iñaki, 25 urte egin dituzu kartzelan. Gaur, erraz ahaztuko ez duzun eguna iritsi da, bazatoz herrira. Irteteko ordua iritsi zaizu, eta hor duzu, Beñat azken urteetan alboan eduki duzun funtzionarioa. Elkarri begira zaudete.
Gai jartzailea: Esti Alberdi
Bertsolariak:
Iñaki Murua,
Beñat Gaztelumendi
Saioa: 2016-05-13 Ondarroa Jaialdia
Hamabost urteko lagunak zarete. Zuen lagun guztiek emana omen dute lehen musua, baina zuek ez. Jonek elkarrekin probatzea proposatu dio Maialeni.
Gai jartzailea: Maite Berriozabal
Bertsolariak:
Jone Uria Albizuri,
Maialen Lujanbio
Saioa: 2016-05-06 Abadiño Jaialdia
Unai, gaur operatu behar zaituzte. Oraintxe etorri da Haritz, zure zirujaua. Urduri dagoela konturatu zara.
Bertsolariak:
Unai Mendizabal,
Haritz Mujika
Saioa: 2016-04-02 Gabiria Sariketa
(B. Gaztelumendiri eta A. Labakari jartzen die, baina besteak ere sartzeko aukerarekin. Hori baliatuz, M. Amurizak ere kantatzen du). Beñat bost urteko ume lotsagabea da eta Ane bere guraso arduratsua. Gaur,kalean, erakusleiho baten aurrean amak esan dio irmo “Ez, Beñat, ez dizut tabletik erosiko” .Bi ordu geroago, eta kalean Beñat arrastaka, zilipurdika ibili eta gero, biak daude familia bazkarian.
Beñatek aukera handiak ikusten ditu gurasoen kontrola kaos bihurtzeko eta negoziazio edo xantaiari berrekiteko.
Gainera, familia bazkarietan ohikoa den moduan edozein sar daiteke, nahi duen doinuan eta nahi duen komentarioa egiteko.
Gai jartzailea: Estitxu Eizagirre
Bertsolariak:
Ane Labaka Mayoz,
Miren Amuriza,
Beñat Gaztelumendi
Saioa: 2016-01-30 Donostia Berezia
Aitorrek aspaldi hasi zuen harremana Unai mutiko txikiaren amarekin. Beti ongietorri bera egiten dio: aurpegi txarrik ez, baina irribarre txikienik ere ez.
Gai jartzailea: Naroa Sasieta
Bertsolariak:
Aitor Sarriegi,
Unai Iturriaga
Saioa: 2016-01-10 Amurrio Jaialdia
Autobus batean egin duzue topo. Uxue haurdun, zazpi hilabete eta erdikoa, oro min eta goragale. Andoni, laurogei urteko agurea, oro min eta oro marmar. Autobusean eserleku bakarra geratzen da libre.
Gai jartzailea: Xabi Paya
Bertsolariak:
Uxue Alberdi,
Andoni Egaña
Saioa: 2015-12-08 Markina-Xemein Jaialdia
Andoni, zuk Juliorengana jo duzu kexaka. Julio zure semearen maisua da, eta haurrari jartzen dizkion etxeko lanak zailegiak direla eta, kexatu zara.
Gai jartzailea: Xabi Paya
Bertsolariak:
Julio Soto,
Andoni Egaña
Saioa: 2015-12-08 Markina-Xemein Jaialdia
Maialen, zentro komertzialera joan zara erosketak egitera. Bete duzu gurdia eta kaxara iritsi zara. Han, Iker kajeroa dago. Kobratu ahala erositakoaz komentario eta galderak egiten ari zaizu.
Gai jartzailea: Asier Iriondo
Bertsolariak:
Maialen Lujanbio,
Iker Zubeldia
Saioa: 2015-11-20 Legazpi Jaialdia
Biei txiki-txikitatik etiketa desberdinak jarri dizkizuete, etxean, auzoan, eskolan... Zuri, Maialen, beti erran dizute “Zu bai inteligentea, nahi duzuna egingo duzu bizitza honetan”; zuri, berriz, Amets, “Hau bai tontoa, ba ote dago tontoagorik?”. Bientzako zaila izan da karga horrekin bizitzea.
Bertsolariak:
Maialen Lujanbio,
Amets Arzallus
Saioa: 2015-10-31 Auritz Jaialdia
Bikotea zarete. Baserritarrak. Bizi guztia baserrian eman duzue lan eta lan. Zuen seme alabentzako bizitza hobea lortzea aldera, hauek ikastea nahi zenuten. Eta ikasi dute, eta lanpostua lortu ere bai. Bata Txinan bizi da orain, eta bestea Estatu Batuetan. Zuek baserrian jarraitzen duzue.
Gai jartzailea: Fernando Anbustegi
Bertsolariak:
Unai Iturriaga,
Eneko Fernandez
Saioa: 2015-10-29 Iruñea Jaialdia
Kuadrillakoak zarete. Agin beti narras jantzita ibili izan da. Baina gaur dotore etorri da, galtza eleganteak eta polo arrosa jantzita.
Bertsolariak:
Agin Laburu,
Maider Arregi Markuleta
Saioa: 2015-10-02 Oñati Jaialdia
