Lanak filtratu:
Denak (965) Bakarkakoa (177) Ofizioa (498) Taldean (25) Puntu erantzuna (158) Azken aurreko puntua (12) Azken puntua (43) Puntuka (21) Atzekoei kantari (16) Hitza emanda (14)
Guraso jubilatuak zarete. Krisiaren eraginez, zuen seme-alabak etxera itzuli dira. Erosketak egiten ari zarete.
Bertsolariak:
Gorka Ojanguren,
Igor Elortza
Saioa: 2012-05-19 Urretxu Jaialdia
Lehen, telefono mugikorrik gabe kuadrillan moldatzen zineten ordu eta toki batean geratzeko. Gaur egun, zu zara mugikorrik ez duen bakarra, eta ez duzu jakiten noiz eta non geratzen diren lagunak.
Bertsolariak:
Amaia Iturriotz Etxaniz
Saioa: 2012-04-14 Gabiria Sariketa
Zuek biok irakasleak zarete, maisuak. Kezkatuta bukatu zenuten aurreko astean, orain lau egun. Klasera joan eta umeei esan zenieten: "Bihar ez gara etorriko lanera. Bihar greba eguna da"; eta ume guztiek "Iuju! Bihar jai!".
Bertsolariak:
Aitor Sarriegi,
Andoni Egaña
Saioa: 2012-04-01 Zegama Jaialdia
Igual bertsotan egiteko leku polita izango da hau: petrila. Uxue eskultorea da, eta azkenaldian harea lantzen du. Hondartzara joaten zara goizero edo arratsaldero, marea kontuan hartuta, marea beheran dagoenean. Hareaz egiten duzu egunetik egunera politago irteten zaizun emakume biluzi hori. Egunetik egunera zoaz politagoa egiten, baina Alaia itsasoa etortzen da, marea gora, eta egin duzun hori ezabatu egiten du, berriz has zaitezen.
Bertsolariak:
Uxue Alberdi,
Alaia Martin
Saioa: 2012-03-23 Oñati Berezia
Zu, Aitor, gurasoa zara, eta Odei irakaslea. Gaur, Aitor, zure alabaren irakaslea ezagutzera joan zara, eta nor topatuko-eta Odei, orain hogeita hamar urte zure irakasle izan zen bera.
Bertsolariak:
Odei Barroso,
Aitor Urbieta Aizpurua
Saioa: 2012-03-23 Azpeitia Sariketa
Zuek biok bikotea zarete, elkarrekin urte dexente daramazuen bikotea. Gaur, ordea, Mikelek Amaiari esan dio zerbait egin beharko lukeela bere itxura aldatzeko.
Bertsolariak:
Amaia Iturriotz Etxaniz,
Mikel Iturriotz Etxaniz
Saioa: 2012-03-02 Azkoitia Sariketa
Denbora bat pasatu da, eta poliki-poliki gorputzeko zauriak sendatzen ari zaizkizu.
Bertsolariak:
Eneritz Artetxe Eizagirre
Saioa: 2012-03-02 Azkoitia Sariketa
Zuek laurak Lezoko gazte kuadrilla bat zarete, eta ikusita Lezon gazteentzat dagoen ekipamendu falta, erabaki duzue marmoldegi zaharra okupatzea. Kontua da joan zaretela marmoldegia okupatzera, eta ertzainak etorriko diren beldurrez gaueko txandak antolatzea erabaki duzuela. Lau lagun zarete, baina laurok nortasun desberdina daukazue. Zu, Peña, mundujalea zara, beti nahi duzuna lortzen duzu: Allerrun apuntatzen zarela, eta taldeko pitxitxia zara; Morixkan apuntatzen zarela, hanka gehien altxatzen duzu, eta Mainontzin apuntatuta Maialeni txapela kentzeko modukoa zara. Zu, Mendiluze, sakona, traszendentala, mistikoa, filosofoa, misteriotsua eta iluna. Zu, Maia, zure historial klinikoan jartzen duen moduan, histeriko paranoikoa zara, haluzinazioak eta agresibitateak uztartzen dituzu. Eta zu, Sarriegi, despistatua, distraitua, autonomoa eta satelitea zara. Laurak elkartu zarete marmoldegian, eta dagoeneko ilundu du.
Bertsolariak:
Aitor Sarriegi,
Aitor Mendiluze,
Jon Maia,
Anjel Mari Peñagarikano
Saioa: 2012-02-25 Lezo Jaialdia
Neba-arrebak zarete. Zuen aita edadetua da, eta gaixorik dago. Zuk, Maddi Ane, zahar etxe batera eraman nahi duzu. Zuk, Endika, nahiago duzu etxean gelditzea.
Bertsolariak:
Endika Igartzabal Murua,
Maddi Ane Txoperena
Saioa: 2012-02-24 Getxo Sariketa
Zoriontsu bizi denak, Aitor, ez omen dauka kontsumitzeko premia handirik. Zoriontsu bizi denak gauza material oso gutxirekin aski omen du. Zein da zure zoriontasun maila?
Bertsolariak:
Aitor Sarriegi
Saioa: 2012-01-21 Tolosa Jaialdia
Berrogei minutu izan dituzu zure maitalea ikusteko. Berrogei minutu pasa eta guardiak esan dizu “Lo siento. Se ha acabado el tiempo”.
Bertsolariak:
Jon Martin
Saioa: 2012-01-15 Donostia Berezia
Denek esaten dute garai berriak bizi ditugula Euskal Herrian, eta hala izan bitez, garai berriak. Baina bada hitz bat, asko aipatzen ari dena azkenaldian, eta da memoria. Eta zuk, Alaia, bai, benetan uste duzu garrantzitsua dela memoria garatzea; zer gertatu den, zer gertatu zaigun, zer egin dugun, zer egin diguten gogoratzea ona dela. Aldiz, zuk, Irazu, uste duzu historian zehar ahanzturak, gauzak ahazteak mesede gehiago egin duela gogoratzeak baino.
Bertsolariak:
Jexux Mari Irazu Muñoa,
Alaia Martin
Saioa: 2012-01-13 Getaria Jaialdia
Ziega berean zaudete. Gainera, denbora luzerako daukazue. Erabaki duzue zulo bat egitea ihes egiteko. Hilabete daramazue zuloa egiten; egun batean Aitor aritzen da, hurrengoan Jon, txandaka. Aitor, ohartu zara azken asteotan, zuk uzten duzun tokian hasten zarela lanean.
Bertsolariak:
Aitor Sarriegi,
Jon Maia
Saioa: 2012-01-08 Oiartzun Jaialdia
Badakigu oraindik gazte zaudela eta gaztea zarela, baina galdera bat egingo dizugu: nola irudikatzen duzu zure zahartzaroa?
Bertsolariak:
Andoni Egaña
Saioa: 2011-12-10 Zumarraga Jaialdia
Durangoko Tabira auzoan zaude, eta hormigoizko mole handi bat daukazu zure gainean. Zubi bat da, eta hemendik ez gutxira, ustez, tren bat igaroko da mole horretatik. Horretan zaudela, zarata txiki bat entzun duzu; bueltan eman duzu, eta hormigoirantz bota duzu begirada. Eta han, hormigoi zati handi baten erdi-erdian, arrakala txiki bat kusi duzu.
Gai jartzailea: Josu Goikoetxea
Bertsolariak:
Maialen Lujanbio
Saioa: 2011-10-14 Durango Jaialdia
Aspaldian aurpegi hori burutik kendu ezinik zabiltza.
Bertsolariak:
Odei Barroso
Saioa: 2011-09-02 Zarautz Sariketa
Lagun minak zarete, eta gaur elkarrekin bukatu duzue. Beñat, duda-mudatan dago ohean sartu edo ez sartu, konturatu baita Peio lokartzen ari dela.
Gai jartzailea: Asier Juaristi
Bertsolariak:
Peio Ormazabal,
Beñat Iguaran
Saioa: 2011-07-01 Mutriku Sariketa
Badakizu zure buruari gezurretan ari zarela.
Gai jartzailea: Asier Juaristi
Bertsolariak:
Beñat Iguaran
Saioa: 2011-07-01 Mutriku Sariketa
Heriotzaz gutxi hitz egiten dela esaten da. Hil ondoren, ingurukoek askotan ez dute jakiten zer egin: hileta egin behar zaion edo ez, erre egin behar den... Esplika ezazue garbi zuen hil ondorengo borondatea zein den.
Gai jartzailea: Alaitz Sarasola
Bertsolariak:
Jon Maia,
Andoni Egaña
Saioa: 2011-06-28 Asteasu Jaialdia
Aurrejubilatuak zarete biok. Erretiroa hartu zenutenetik, Irazuri, gauza bat dela eta bestea dela, egunak oso azkar pasatzen zaizkio. Bixenteri, berriz, egunak oso luze joaten zaizkio.
Gai jartzailea: Iker Iriarte Iribar
Bertsolariak:
Jexux Mari Irazu Muñoa,
Bixente Gorostidi
Saioa: 2011-06-23 Tolosa Jaialdia
